"حَديثُ هِند"

صحيت من النوم الساعه 6:23 مساءً بعد قيلوله اخذتها

ذهبت واخذت حماماً طويلا ً وجلست في الغرفه ارتبها وارتب بعض الاغراض

و اخذت انهي ما تبقى من بحث طلبه منا الاستاذ

وبعد هذا ذهبت الى المطبخ وكانت الساعه 8:54.. فنجان من القهوه وتمرتين او اكثر ..

وذهب للجلوس في غرفة المعيشه كانت اختي اسماء موجوده.. اخذت جهاز التحكم وتنقلت بين القنواة

لا شيء مهم في هذه القنواة الكثيره .. فـ جلست اتبادل اطراف الحديث مع اختي ..

ذهبت اختي لغرفتها ..

جلست وحدي وكانت الساعه 9:44

.. دخل ابي ..

ابي : الله حي بنتي ..

انا: هلا هلا ابوي مساك الله بالخير ..

ابي : هلا مساك الخير ..

هاه وش سويتي وش اخر العلوم مع الجامعه ..

انا : والله ما عليها على حالي نسوي الي علينا ونكرف فذا الجامعه .. الله يعين

ابي : ايه الله يعينكم ان شالله ..

وين امتس ..

انا : امي .. مدري اتوقع مع عبود داخل اشوفها في غرفته تضفها ..

ابي : ايه عطيني قهوه .. وحطي لي تمر صفري ..

انا : ما تبي العشا ..

ابي : لا جيبي لي القهوه اول ..

انا : سم ان شالله ..

ابي : هند ..

انا : نعم

ابي : جيبي اول نظارتي وشوفي الكتاب الي على الكمدينه الازرق وفيه دفتر صغير جيبيهن ..

انا : ان شالله ..

ذهبت لاحظر ما طلبه ابي من غرفته .. ووجدت امي لاتزال في غرفت اخي .. واخي في الصاله ومعه جهازه يلهو به

ذهبت لامي في الغرفه ..

انا : يمه ترا ابوي جا ..

امي : ايه من زمان واهو جاي فالغرفه اهو ..

انا : لا برا بالمجلس يقول عطيني قهوه ..

امي : ما يبغى العشا ..

انا : لا يقول بتقهوى اول ..

امي : اجل ماراح للاستراحه ..

انا : مدري ..

امي : طيب خلني اخلص من خلاقين اخوتس عافس ذا الغرفه تقولين داخلها بعير ..

انا : طيب يمه خليني بضفها انا روحي قهوي ابوي اذا خلصت بروح اجهز العشا ..

امي : هاتس ذا الثياب علقيها وشبك الملابس الوسخه طلعيها برا .. عشان تاخذها "مريتا"

وين خواتس قاعدين فذا الغرف كن احد حالف عليهن ما يطلعون ..

انا : نوف نايميه .. واسما تذكر .. وحنان عند الاب ..

امي : والعشا محدن متعشي .. كل ما حطينا ذا العشا مابه احدن يتعشى ..وانتي توتس تقومين .. وش ذا النوم عندكم ..

انا : عاد وش اسوي نظامي منعفس من ذا النوم ..

يمه خذي كتاب ابوي فطريقك ونظارته والدفتر الصغير ..

امي : طيب ..

هكذا هو حواري مع ابي.. هكذا حواري مع امي ..

هكذا تعاملي مع ابي ..هكذا تعاملي مع امي ..

هكذا هو حوار ابي معي .. كذا حوار امي معي ..

وكذا تعامل ابي معي .. وهكذا تعامل امي معي..

طاعه .. احترام .. تقدير .. حب .. معامله حسنه

هكذا هي حياتي مع ابي وامي ..

احبهم كثيراُ

الحمد لله .. اللهم ادمها علينا من نعمه وحفظها من الزوال ..

لكن اتمنى ان يزيد على هذا كله ..

.. حرية الراي ..."المصارحه بين الاباء و الابناء "..

الاهتمام باهتمامات الابناء .. التفاهم .. الحضن ادافئ و اللمسه الحانيه..

نحتاج لتلك الامور لانها تصنع منا اجيال واعيه, مثقفه ,راقيه,ومتزنه..